Қазақстан құрамасы көкпар мен көкбөрі бәсекесін жеңіспен бастады

VI Дүниежүзілік көшпенділер ойындарында ат құлағында ойнаған Қазақстан құрамасы сәтті өнер көрсетуде. Кезекті жарыс күнінде аударыспақ шеберлері қоржынға 2-алтын, 1-қола жүлде салды. Сырым Ізбасаров бұл жолы да жанкүйерлерін жерге қаратпады. Қарсыластарын қоғадай жапырған құрама көшбасшысы 3 дүркін көшпенділер ойындарының чемпионы атанды. Дарын Өткелбай да бүгін ат үстіндегі күресте алтыннан алқа тағынды. Көкпарда Қазақстан Ресей командасын 14:1 есебімен жеңсе, көкбөріде Тәжікстан командасымен түйісті. Қазандыққа шапқан палуандар бәсекесінде отандастарымыз 16:3 есебімен айқын жеңіске қол жеткізді.

Құрманбай Есжан, көкбөріден Қазақстан құрамасының мүшесі:

Қазақстан-Тәжікстан өте жақсы ойын болды. Тәжік құрамасы да дайындалып келген.