Мемлекет басшысы Әзербайжан президентімен кездесті

Шанхай Ынтымақтастық ұйымының саммиті аясында Мемлекет басшысы Бішкекте Әзербайжан Президенті Ильхам Әлиевпен кездесті. Әңгімелесу барысында Қасым-Жомарт Тоқаев Қазақстандағы ауқымды саяси реформалар мен алғашқы бір палаталы Құрылтай сайлауының нәтижесі жөнінде әңгімеледі.  Мемлекет басшысы елдің саяси өміріндегі аталған тарихи уақиға жан-жақты жаңғыру жолындағы маңызды кезең саналатынын атап өтті. Әзербайжан Президенті Қазақстанда жүргізіліп жатқан реформалардың ауқымы мен мән-маңызына тоқталды. Әңгімелесу кезінде сауда-экономикалық, инвестициялық ықпалдастық мәселелері және түрлі саладағы бірлескен жобалардың жүзеге асырылу барысы қарастырылды.

Қасым-Жомарт Тоқаев, Қазақстан Республикасының Президенті:

Еліміздің тарихында бұл сайлау тұңғыш рет халықаралық ұйымдар тарапынан бірауыздан оң бағаға ие болды. Құрылтай Әзербайжан Парламенті – Милли Мәжіліспен белсенді жұмыс істеуге ниетті. Мен өз тарапымнан осы бағыттағы ынтымақтастықты барынша қолдаймын. Мемлекетаралық қарым-қатынас ойдағыдай дамып келеді. Өзара ықпалдастыққа қатысты негізгі мәселелерді ұдайы назарда ұстаймын.

Ильхам Әлиев, Әзербайжан Президенті:

Шын мәнінде, қарым-қатынасымыз табысты ілгерілеп, одақтастық сипатқа ие болды. Күн өткен сайын нақты мазмұнмен толығып келеді. Құрылтай сайлауының табысты өтуі және Қазақстан халқының қолдауы Сіздің реформаларыңыз бен бастамаларыңызды қоғам дұрыс қабылдайтынын көрсетеді.