Астана және Алматы әкімдері дауыс берді

Астана қаласының әкімі Жеңіс Қасымбек Құрылтай сайлауында дауыс берді.

Ол әлеуметтік желідегі парақшасында «Сайлау – әрбір азаматтың өз ұстанымын білдіріп, елдің алдағы даму бағытын айқындауға тікелей қатысуына мүмкіндік беретін маңызды қоғамдық үдеріс» деп жазды. Ол «Астанада дауыс беруге барлық қажетті жағдай жасалған», – деді. Алматы әкімі Дархан Сатыбалды да, Құрылтай депутаттарының сайлауында өз таңдауын жасады. Қала басшысы №159 мектепте орналасқан сайлау учаскесіне барып, дауыс берді. Әкімнің айтуынша, бүгін еліміздің саяси тарихында жаңа кезең басталды. Ол әр азаматтың таңдауы елдің болашақ даму бағытына әсер ететінін атап өтті.