Абай облысында 464 сайлау учаскесі ашылды

Құрылтай сайлауында әсіресе Абай облысы өте белсенді. Аймақта 464 сайлау учаскесі жұмыс істеп жатыр. Оның 35-і жабық болса, 429-ы ашық учаске. Сайлаушылар таңнан бері өз таңдауларын жасауда. Орталық сайлау комиссиясы мәлім еткендей, сағат 10:00-дегі  мәлімет бойынша Абай облысы ең көп дауыс берген өңірлер ішінде екінші орында тұр. Сайлау учаскелерінде дауыс берушілерге барлық жағдай жасалған. Әзірге заң бұзушылық тіркелген жоқ. Халық белсенді дауыс беріп жатыр.

Имдат Эфендиев, №93 сайлау учаскесінің төрағасы:

Азаматтардың сайлау учаскесіне келіп, өз таңдауын жасауына барлық жағдай жасалды. Бүгінгі күн еліміздің демократиялық дамуындағы маңызды кезеңдердің бірі ретінде тарихта қалмақ. Бұл – мемлекетіміздің одан әрі нығайып, елдің әл-ауқаты арта түсуіне жол ашатын өзгерістердің бастауы. Осындай қуатты, дамыған ел болу – бірнеше буынның арманы.