Қазақстан жаһандық инвестициялық рейтингінде 53 орында тұр

Қазақстан жаһандық инвестициялық рейтингте 17 сатыға жоғарылап, 53-орынға тұрақтады. Былтыр ғана бұл тізімде еліміз 70-орында болған. Ал биыл Орталық Азиядағы біраз мемлекетті басып озды. Мәселен, Өзбекстан - 81-ші, Қырғызстан – 96-шы, Ал Тәжікстан – 97-ші орында тұр. Швейцария, Дания, Швеция сынды мемлекеттер көш басына жайғасқан. Бұл тізімде жалпы саны 150 мемлекет бар. Халықаралық сарапшылар Қазақстанның инвестициялық тартымдылығы артып келе жатқанын айтады. Әсіресе энергетика, инфрақұрылым және цифрлық технологиялар салалары шетелдік капитал үшін негізгі бағыттардың бірі болып отыр.