Шетелде сайлау учаскелері жұмысын бастады

Шетелде 11 жарым мыңға жуық қазақстандық дауыс беруге құқылы. Сағат 08:00 дегі жағдай бойынша 26 сайлау учаскесі ашылды. Алғашқы болып Жапония мен Кореядағы қазақстандықтар дауыс бере бастады. Сеулде №422 және Токиода №425 сайлау учаскелері жергілікті уақыт бойынша сағат 07.00-де ашылды. Одан соң Малайзия, Сингапур, Индонезия және Вьетнамдағы отандастырымыз өз таңдауын жасауға кірісті. Бүгін жалпы 61 мемлекетте 79 учаске жұмыс істейді.