Экологиялық жауапкершілі – әр азаматтың міндеті

«Таза Қазақстан» акциясы – айналаны тазартумен ғана шектелмей, әр азаматтың өмірлік ұстанымына айналуы тиіс. Бұл туралы Мемлекет басшысының «Әділетті қоғамға – шыншыл сөз» кітабында жазылған. Сарапшылардың пікірінше, табиғатты аялау мен қоғамдық орындарға жанашырлықпен қарау күнделікті дағды болғанда ғана нәтижеге қол жеткізуге болады. Қарапайым әдеттердің қалыптасуы экологиялық жауапкершілікті арттырып, қоғамның қоршаған ортаға деген көзқарасын өзгертуге ықпал етеді.

Президентіміздің «Әділетті қоғамға – шыншыл сөз» кітабында жалпы «Таза Қазақстан» акциясының өмірлік ұстаным болуы қажеттігі туралы баяндалады. Халықтың ішкі жан дүниесінің тазаруы, өмірлік ұстанымның жаңаруы, қажеттіліктердің өзгеруі бағытында жақсы пікірлер айтылады.