Тиба префектурасында тасқыннан 8 адам қаза тапты

Жапония астанасы Токиомен шекаралас Тиба префектурасында рекордтық мөлшерде жауын жауып, елді мекендерде алапат тасқын басталды. Жолдар мен теміржолдар су астында қалып, электр жүйесі істен шығып, 20 мыңдай үй жарықсыз отыр. Соңғы мәліметке қарағанда 8 адам қаза тапқан. Жергілікті үкіметтің мәлімдеуінше, қайтыс болғандардың екеуі - суға батқан машиналарынан шыға алмай қалған әйел мен ер адам. Бір тұрғын жоғалып кетті.

Токионың Нарита әуежайы болса, 7 мыңдай жолаушыны сапарға аттандыра алмады. Дегенмен, авиациялық порт өкілдерінің дерегінше, бүгін ұшақтар кесте бойынша қайта ұша бастайды. Және де ешқандай рейс доғарылмайды.