Ресейдегі қазақстандық студенттер сайлауға белсенді түрде қатыспақ

Ресейдегі қазақстандық студенттер де 23 тамыз күні сайлауға белсене қатыспақ. Жалпы көрші елде 60 мыңға жуық отандасымыз білім алып жатыр. Жастар өз конституциялық құқығымызды пайдаланып, міндетті түрде таңдауымызды жасаймыз дейді. Сол күні Ресейде бес сайлау учаскесі ашылады. Олар Мәскеу, Санкт-Петербург, Қазан, Омбы және Астрахань қалаларында орналасады.

Сакина Мұқаева, студент:

Қазақстанымыз үшін маңызды кезеңде, біз, әрине шет қалмаймыз, дауыс береміз. Себебі еліміздегі саяси реформалар оң өзгерістер әкелетініне сенімдімін. Қазір сайлау учаскелеріндегі сайлаушылар тізіміне бізді қоссын деп, жүгіндік.