Президент солтүстіктегі тұрғындарды облыстың 90 жылдығымен құттықтады

Мемлекет басшысы Қасым-Жомарт Тоқаев Солтүстік Қазақстан тұрғындарын облыстың құрылғанына 90 жыл толуымен құттықтап, Ата Заңды қабылдауда өңір жұртшылығы ауызбіршілік пен жауапкершіліктің үлгісін көрсеткенін атап өтті.

Өңір басшысы Ғауез Нұрмұхамбетов ел Президентінің лебізін Петропавл қаласында өткен форумда көпшілікке жеткізді.  Мемлекет басшысы өз құттықтауында Солтүстік Қазақстан елдің әлеуметтік-экономикалық дамуындағы орнына ерекше тоқталды. Өңір бүгінде Қазақстанның басты аграрлық аймақтарының бірі саналады. Сонымен қатар соңғы жылдары өнеркәсіп, машина жасау, ауыл шаруашылығы өнімдерін өңдеу және инвестиция тарту бағытында тұрақты дамып келеді. Аймақта ірі өндіріс орындары ашылып, жаңа инвестициялық жобалар жүзеге асырылуда.