Вашингтонда өртке байланысты төтенше жағдай жарияланды

АҚШ-та алапат өртпен күрес қиын болып жатыр. Вашингтон штатында төтенше жағдай жарияланды. Тілсіз жау Спокан округін шарпыған. Соңғы мәліметтерге сай, 60 мыңдай тұрғын үйлерін тастап, қауіпсіз жерге көшірілді. 600-дей ғимарат өртенген. Өрт демалыс күндері басталды. Оның аумағы 21 мың шаршы шақырымға жеткен. Құрғақ ауа райы, екпінді жел мен аптап ыстық өрттің тез таралуына себеп. Жалынмен күреске 900-дей өрт сөндіруші тартылған. Вашингтон штатының губернаторы федералдық орталықтан өртпен күреске қосымша ресурс бағыттауды сұрады.