Чилидің кейбір аудандары тасқын мен қалың қардан зардап шекті

Чилиде төпелеп жауған жаңбыр соңы алапат тасқынға ұласты. Әсіресе оңтүстікамерикалық елдің Лос-Риос аймағындағы жағдай қиын.

Осы өңірдегі Ла Юнион ауданында көшелер өзенге айналып, кейбір тұрғындар қайықпен қатынауға мәжбүр. Жергілікті ақпарат құралдарының хабарлауынша, ондаған үйді су басқан. Сондықтан жергілікті халық қауіпсіз жерге кетіп жатыр. Оларға көмекке құтқарушылар жетті.

Дегенмен, Атакама аймағындағы жағдай мүлде басқаша. Бұл өңірде қар борап, мал фермаларына жету қиындады. Шаруалар үкіметтен жәрдем сұрап, малға азық жеткізуге армия жауынгерлері тартылып жатыр.