Ыстанбұлда дауылдан ағаштар құлап, ғимараттардың шатыры ұшты

Ыстанбұлда сұрапыл дауыл соғып бірқатар ғимараттың шатырын ұшырып әкетті. Үстіне шатыр сынықтары түскен бірнеше адам жарақат алған. Қатты желден ағаштар тамырымен қопарылып жолдарды жауып қалды. Көліктердің үстіне құлаған ағаштар да бар. Метеорологтар шамамен 30 минутқа созылған дауылдың жылдамдығы секундына 15 метрге дейін жеткенін айтады. Ауа райының қолайсыздығынан Ыстанбұл әуежайында бірқатар рейстер қона алмай, желдің басылғанын күту үшін әуеде бірнеше рет айналып келуге мәжбүр болған. Қазір қаланың коммуналдық қызметтері көшелерді тазалап, дауылдан келген шығындар есептеліп жатыр.