Францияда алапат өрттен 20 мың адам қауіпсіз жерге көшірілді

Францияның оңтүстігінде алапат орман өртінен 20 мың адам қауіпсіз жерге көшірілді. Олардың жартысынан көбі - туристер. Жалын бір тәулікте 2 мың 400 гектар аумақты шарпыған. Тілсіз жаудан екі өрт сөндіруші қаза тапты. «Би-Би-Си-дің» мәліметіне сай, өрт ормандағы жолдарды тазартуға арналған техникадан шықан болуы мүмкін. Әзірге бұл ақпарат ресми расталған жоқ. Тілсіз жаудан Ле-Порж қаласы зардап шекті. Өңірде қызыл түсті қауіп деңгейі жарияланды. Өртпен күрес жалғасып жатыр.