Нидерландта құрғақшылық күшейіп, су тапшылығы режимі енгізілді

Нидерландта су тапшы. Бұған ұзаққа созылған құрғақшылық, аптап ыстық және Рейн мен Маас өзендеріндегі су деңгейінің төмендеуі себеп болған. Осыған байланысты үкімет су тапшылығы режимін енгізді. Билік бұдан былай су ресурстарын басқаруға бақылау күшейетінін хабарлады. Тұрғындарға суды үнемдеп пайдалану және орынсыз ысырап етуден бас тарту ұсынылды. Жауын-шашын аз болып, ыстық ауа райы сақталса, құрғақшылық кезеңі ұзаққа созылуы мүмкін екені де ескертілді.