Сарапшы: Шоқан еңбегі – ғылымның алтын қоры

Шоқан Уәлиханов – қазақтың тұңғыш ғалымдарының бірі ғана емес, шығыс пен батыс ғылымын тоғыстырған көрнекті зерттеуші. Оның Қашқарияға жасаған сапары әлем ғылымына Орталық Азия туралы тың мәліметтер әкелді. Сарапшылардың пікірі осыған саяды. Мамандардың айтуынша, ғалымның тарихи-этнографиялық мұрасы бүгінге дейін өз құндылығын жоғалтқан жоқ. Оның еңбектері қазақ халқының тарихын, этнографиясы мен ауыз әдебиетін зерттеуде маңызды дереккөздердің бірі саналады. Сондықтан Шоқанның бай мұрасын сақтау, зерттеу және кейінгі ұрпаққа таныту – бүгін де маңызды міндет.