Әлем жаңалықтарына шолу

Бангладеште су тасқынынан 51 адам қаза тапты

Толассыз жауған жаңбыр өзендердегі су деңгейінің көтерілуі мен лай көшкініне себеп болды. Жеті ауданда жағдай күрделі. Табиғи апат 1 миллионнан астам тұрғынға залалын тигізді.

«Бави» тайфуны: Қытайда 2,8 млн адам эвакуацияланды

Қытайдың шығыс жағалауына «Бави» тайфуны соққы берді. 2 млн 800 мың адам қауіпсіз жерге көшірілді. Желдің жылдамдығы сағатына 140 шақырымға жеткен. Мыңдаған ұшақ рейсі доғарылды. Метерологтар жауын-шашын әлі де жалғастатынын ескертіп отыр.

Бангкокта өрттен 27 адам қаза тапты

Таиланд астанасы Бангкоктағы бардан өрт шығып, 27 адам қаза тапты. 60-тан астам адам жараланып, ауруханаға жеткізілген. Алдын ала мәліметтерге сай, өртке ауа желдеткішіндегі қысқа тұйықталу себеп болса керек.

Эбола вирусы конгоның 5 провинциясына тарады

Эбола вирусы Конго демократиялық республикасының 5 провинциясына тарады. Ауруды жұқтырған адам саны 1 мың 800-ден асқан. Эболаның әзірге емі жоқ. Қазір індетке қарсы вакцина сынақтап өтіп жатыр.