Тегеран Ормұз бұғазын жапқанын мәлімдеді

Иран мен АҚШ әскерилері өткен аптадан бері біріне-бір оқ атуды тоқтатқан жоқ. Иранның Ислам революциясы сақшыларының корпусы Ормұз бұғазын жабатынын мәлімдеді. BBC-дің дерегінше, су жолы арқылы кеше кештен бері бірде бір сауда кемесі өтпеген. Тегеран бұл шектеу АҚШ аймақтағы істерге араласуын тоқтатқанға дейін күшінде болатынын да ескертті. Ал елдің жоғары көшбасшысы Моджтаба Хаменеи сайлаудан бергі алғашқы үндеуінде әкесінің өлімі үшін кек алуға уәде берді. АҚШ әскерилері өткен түні Иранға тиесілі әскери нысандарға соққы бергенін, бұл Иранның сауда кемелеріне жасаған шабуылына жауап екенін мәлімдеді. Ал Иран күштері АҚШ-тың аймақтағы одақтастарына, Йордания, Бахрейн, мен Кувейттегі америкалық әскери базаларға соққы берген.