Елде 45 градус ыстық болады

Ертеңнен бастап бірқатар өңірде ауа температурасы +40, ал оңтүстікте 45 градус болады. Қазгидрометтің болжауынша, кей өңірлерде найзағайлы жаңбыр жаууы ықтимал. Дегенмен аптап ыстық еліміздің басым бөлігінде үш күнге жалғасады.

Аружан  Мұратова, «Қазгидромет» РМК баспасөз хатшысы:

Еліміздің оңтүстік шығысында, батысында және оңтүстік-шығысында 33-42 градусқа дейін, солтүстік батысында, солтүстігінде және орталығында 32-40 градусқа дейін, оңтүстігінде 38-45 градусқа дейін, ал шығысында 30-38 градусқа дейін көтеріледі.

Дәрігерлер күннің ыстығында әсіресе түскі сағат 12.00-ден 16.00-ге дейін далаға шықпауға кеңес береді. Шыққан жағдайда бас киім кию керек екенін ескертеді. Сондай-ақ суды көбірек тұтыну керек, ал ащы, майлы тамақтар жеуге болмайды.