Жетісу облысында 4 бала суға батып кетті

Жетісу облысында кәмелетке толмаған 4 бала суға батып кетті. Қайғылы оқиғалар соңғы екі күнде Кербұлақ, Сарқан және Қаратал аудандарында болған.

Балалар қараусыз қалып, рұқсат етілмеген әрі жабдықталмаған су айдындарына шомылған. Қазір полиция аталған фактілер бойынша тергеу жүргізіп жатыр. 

Жетісу облысында жыл басынан бері 6 адамның ажалы судан келген. Жауаптылардың айтуынша, қайғылы жағдайлардың басым бөлігі рұқсат етілмеген су айдындарында болған.

Ал өңірдегі шомылуға рұқсат етілген 4 аумақта қауіпсіздік шаралары күшейтілген.

Елдар Тұрсынов, облыстық ТЖД басқарма басшысы:

Лепсіде құтқару жасақтары орналастырылған. Ол жерде Балқаш көлінде – 13 адам, Ақши жағалауында – 13 адам. Қосымша облыс орталығынан іссапарға 4 адам барды. Күшейту үшін әскери бөлімнен 3 қызметкер жұмылдырылды.