«Айбын-2026»: Жүзуден жарыс өтті

«Айбын-2026» халықаралық әскери-патриоттық жастар жиыны аясында жүзуден жарыс өтті Сондай-ақ жасөспірімдер әскери кроссқа қатысты. Суда жүзу бағдарламаға биыл алғаш рет қосылды. Себебі, жүзу - жас өрендердің тек физикалық емес, психикалық, тіпті зияткерлік дамуына да кешенді әсер ететін ең пайдалы спорт,-дейді ұйымдастырушылар. Оған әр командадан 2 жасөспірімнен қатысты Ал, әскери кросста жас өрендер қашықтыққа жүгіруді арнайы әскери-қолданбалы жаттығулармен ұштастырды. Яғни, мылтықтан оқ атып, граната лақтырып, кедергілер жолағын еңсерді Сөйтіп, төзімділік пен мергендік қасиеттерін сынға салды.
Бақытжан Жақсылық, жиынға қатысушы:

Негізі былай оңай болғанмен, іс жүзінде бәрібір қиын. Ең бастысы, мылтықты тигізсең, онда барлығы оңай болады. Граната ату ол күшке байланысты ғой. Мылтық атуда сен жүгіріп келгеннен кейін қолың барлығы дірілдеп тұрады, көзің бұлдырап кетеді. Маған күш берген ол әрине біріншіден, ол менің командам, жетекшілерім.