Талдықорғанда көгалдағы хоккейден Азия кубогы басталды

Талдықорғанда көгалдағы хоккейден Азия кубогы басталды. Онда 20 жасқа дейінгі ерлер командасы өнер көрсетеді.

Байрақты бәсекеге сары құрлықтың 8 елінен спортшылар жиналды. Жарыста Корея, Иран, Шри-Ланка секілді азулы ойыншылар бар. Кубок үшін таласқа қазақстандық жастар да жақсы дайындалған. Ұлттық құрамада жетісулық спортшылар өнер көрсетеді. Бас команда сапында өңірдің 15 хоккейшісі бар. Олардың барлығы көгалдағы хоккейден Қазақстан Республикасының бірнеше дүркін чемпиондары.

Орман Махмуд, облыстық көгалдағы хоккей федерациясының вице-президенті:

Талдықорғанда 6-рет үлкен жарысты қабылдап жатырмыз. Азия чемпионатын 6-рет өткізіп отырмыз. Үлкен жарысқа 8 мемлекет қатысып жатыр. Дайындық жақсы. Ендігі мақсатымыз – жоғарғы лигаға жолдама алу. Үздік 4 команданың қатарына кіру.