«Айбын – 2026»: Жасөспірімдер мергендіктерін сынады

Бүгін «Айбын – 2026» халықаралық әскери-патриоттық жиынында жасөспірімдер пневматикалық қарудан оқ атып, автоматты бөлшектеп, жинау сайысына қатысты. Іс-шараның басы-қасында жүрген тілшіміз Бибінұр Әмірханқызы тікелей эфирге қосылып отыр. Бибінұр, жарыс қалай өтіп жатыр?

Шектеулі уақытта нысананың ондығына дәл тигізу – мергендік пен шапшаңдықты, әрі сабырлықты талап етеді. Пневматикалық қарудан оқ ату, Калашников автоматын бөлшектеу, әрі жинау - әскери-спорттық сайыстың негізгі бөліктерінің бірі. Сондықтан жарыс өте қызу, әрі тартысты өтіп жатыр. Жасөспірімдердің оқ-қарумен жұмыс істеудегі шапшаңдығы мен жинақылығы кім-кімді болсын тәнті етеді. Осы күндері әскери полигонда шатырлы лагерьде тұрып жатқан бір мыңға жуық жасөспірім нағыз әскери өмірдің дәмін татып жатыр. Жалпы «Айбын» жиыны ел қорғаушыларының жаңа буынын қалыптастыратын ауқымды жобаға айналды.

Жалпы алдағы күндері жасөспірімдер әскери эстафетаға қатысып, қанат тартып, білек күштерін сынайтын болады, әрі әскери-тактикалық ойындарға қатысады. Жалпы, жиын әр күні қызықты өтіп жатыр. Әзірге мендегі ақпарат осы.