«Айбын – 2026»: Жасөспірімдер зияткерлік ойынға қатысты

Бурабайда өтіп жатқан «Айбын – 2026» халықаралық әскери-патриоттық жиынында жасөспірімдер зияткерлік ойынына қатысты. «Жас сарбаз – Конституция қорғаушысы» тақырыбында ұйымдастырылған интелектуалдық сайыс сұрақ-жауап түрінде өтті. Әскери-патриоттық клубтардың тәрбиеленушілері еліміздің жаңа Конституциясына қатысты сұрақтарға жауап берді. Одан қалды құқықтық мемлекеттің қағидаттары, азаматтардың құқықтары мен міндеттері туралы білімдерін көрсетті.

Әрбіріміз Қазақстан азаматы болғандықтан, әрбіріміз өз мемлекетіміздің Конституциясын білуіміз керек деп санаймын. Себебі, бұл әр азаматтың парызы, борышы. Жиын керемет, жоғары деңгейде өтуде. Бізге барлығы ұнап жатыр. Жағдайлардың бәрі жасалған. Тамақтарына дейін, безендірулері бәрі өте керемет.