Жаңалық ауылының тұрғындары ішімдіктен бас тартты

Жетісу облысы Жаңалық елді мекенінде соңғы 5 жылда бір де бір қылмыс тіркелмеген. Ауылдағы ағайын мұны тұрғындардың ішімдіктен бас тартуымен байланыстырып отыр. Бастаманы ауыл ақсақалдары көтеріп, тұрғындар бірауыздан қолдаған. Осылайша қоғамдық тәртіп нығайып, отбасылық құндылықтар мен үлкен мен кіші арасындағы қарым-қатынас та күшейе түсті. Қазір Жаңалық ауылы өңірдегі алкогольден бас тартқан 30 елді мекеннің бірі саналады. Ауылдағы қауіпсіздік пен тәртіпті қамтамасыз ету үшін учаскелік полиция қызметкерлері тұрғындармен тұрақты кездесіп, түсіндіру жұмыстарын жүргізіп келеді. Ал жергілікті халық өзара сыйластық пен жауапкершілікті басты қағидаға айналдырған.

Дүкендерде сатылатын арақ, шараптарды тоқтатып, қазіргі уақытта өмір салты түзу жастарымыз спортпен, дене шынықтыру секілді жақсы дүниемен айналысып жатыр.

Облысымызға қарасты 3 ауданда 5 ауылдық округіміз бар. Яғни тұрғындары 2 мыңнан 5 мыңға жуық. Бұл дегеніміз ауыл дүкендерінде тұрғындар мүлдем ішімдіктен бас тартқан. Ол дегеніміз жалпы Президентіміздің «Таза Қазақстан» бастамасы. Бұл деген ауланың тазалығы емес, ағаш отырғызу емес, рухани адамның ішкі жаңаруы.