Желіде «Әділет» партиясының атауын заңсыз пайдаланған парақшалар анықталды

Әлеуметтік желілерде «Әділет» партиясының атауын заңсыз пайдаланып, өзін партияның ресми өкілдігі ретінде таныстыратын жалған аккаунттар мен парақшалар анықталды. Бұл ресурстар партия мүшелерін тіркейміз деп жалған ақпарат таратып жатыр деп хабарлайды партия өзінің ресми парақшасында. Саяси ұйым азаматтардан жеке деректерін бейтаныс адамдарға бермеуді, тек ресми ақпарат көздеріне ғана сену керегін еске салады. Партияның атауы мен рәміздерін заңсыз пайдаланғандарға, сондай-ақ азаматтарды жаңылыстырғандарға заң аясында жауапкершілік көзделгенін ескертеді.