Швейцарияда азаматтар халық санын шектеуге қарсы дауыс берді

Швейцария тұрғындары халық санын 10 миллионнан асырмау туралы ұсынысты қолдамады. Бұл туралы референдумда белгілі болды. Оған қатысқан азаматтардың 55 пайызы оңшылдар идеясына қарсы дауыс берген. Қолдағандар – 45 пайыз.

Халық санын шектеуді «Швейцария Халық партиясы» ұсынды. Оның өкілдерінің сөзінше, адамның көптігі Швейцарияның көлік және тұрғын үй саласына салмақ түсіріп, экологияға зиян келтіреді. Алайда дауыс берушілердің көпшілігі мигранттарға қарсы партияның бұл уәжімен келіспеді.

Айта кетсек, Швейцария халқының саны тез өсіп, 2002 жылғы 7 миллионнан бүгінде 9 миллионға жетіп отыр.