Қазақ күйлері әлемдік музыкалық платформаларда жарияланды

Қазақ күйлері әлемдік музыкалық платформаларда жарияланды. Бұл туралы Мәдениет және ақпарат министрлігінің баспасөз қызметі хабарлады. Құрманғазы атындағы Қазақ ұлттық халық аспаптар оркестрінің репертуарындағы шығармалар Spotify, Apple Music, YouTube Music және өзге де сервистерге орналастырылды. Олардың қатарында Құрманғазы, Дина Нұрпейісова, Тәттімбет, Қазанғап, Нұрғиса Тілендиев және басқа да композиторлардың күйлері бар.