Илон Маск әлемнің тұңғыш триллионері атануы мүмкін

SpaceX компаниясы биржаға шығар алдында акцияларын 75 млрд долларға сатқан. Осылайша миллиардер Илон Маскқа тиесілі компанияның нарықтық құны 1,8 триллион долларға жуықтамақ. Инвесторлардың сұранысы жоғары болса, SpaceX әлемдегі ең қымбат компаниялардың тізіміне енбек. Ал Илон Маск тарихтағы тұңғыш триллионер атанады. Компания қаржы ұйымдарына 1 акциясын 135 долларға сатты. Ал сауда саттық басталғанда акция құны өсуі немесе төмендеуі мүмкін.