Пәкістан әуе күштерінің шабуылынан 13 адам қаза тапты

Пәкістан әуе күштері Ауғанстанның үш провинциясына соққы берді. Соның салдарынан 13 адам қаза тапқан. Мерт болғандардың 11-і бала. Тәліптер үкіметінің дерегінше, тағы 14 тұрғын жараланған. Зардап шеккендердің де көбі – балалар. Алайда, Пәкістан көрші елдің Кунар, Хост, Пактика провинцияларында бейбіт халыққа емес,  содырларға шабуыл жасап, 26 адамды өлтіргенін мәлімдеді.

Айта кетсек, ресми Исламабадтың сөзінше, Кабул Пәкістан жерінде теракт жасаған қарулы топтарға пана беріп отыр. Ауғанстан бұл мәліметті үнемі жоққа шығарып келеді.