Apple мен Google-ден балаларды қорғау шараларын күшейту талап етілді

Ұлыбритания үкіметі Apple мен Google-ден балаларды қорғау шараларын күшейтуді талап етті. Оған сай аталған компаниялар үш ай ішінде кәмелетке толмағандарға ашық фото мен видеоны түсіруге, көруге және жіберуге мүмкіндік бермейтін технологиялық шектеулерді іске қосуы тиіс.

Бұл туралы Лондонда өткен Technology Week аясында Ұлыбритания премьері Кир Стармер мәлімдеді. Талап орындалмаса, компанияларға айыппұл салынып, тіпті қылмыстық жауапкершілікке тартылмақ. Google балаларды қорғау шараларын күшейтуге ниет танытса, Applе әзірге ресми түсініктеме берген жоқ.