Филиппин аралдарында зілзала салдарынан 10 мыңдай отбасы үйлерін тастап кетті

Филиппин аралдарында қуаты 7,8 баллдық зілзала құрбандарының саны 35-ке жетті. Қазір алапат жер сілкінісінен зардап шеккен Минданао аралында іздеу-құтқару операциялары жалғасып жатыр. Айта кетсек, осы дүмпуден кейін Филиппинде, Австралияда, Индонезияда, Жапонияда жарияланған цунами қаупі туралы ескерту бірнеше сағаттан кейін доғарылды. Жалпы алғанда, табиғи апаттан Филиппинде 134 адам жараланып, 10 мыңдай отбасы үйлерін тастап кеткен. Тағы 12 тұрғын жоғалып кеткендер санатына ілігіп отыр.