Ерлер құрамасы үстел теннисінен рейтинг жаңартты

Үстел теннисінен Қазақстанның ерлер құрамасы әлемдік рейтингте жеті сатыға жоғарылады. Ал көшбасшылықты Қытай құрамасы сақтап қалды. Қазақстанның ерлер командасы 25-орыннан 18-орынға, ал әйелдер құрамасы 37-орыннан 31-орынға көтерілді.

Айта кетейік, мұндай серпіліс командалық Әлем чемпионатындағы сәтті өнер көрсетудің арқасында мүмкін болып отыр. Екі команда да турнирдің плей-офф кезеңіне шықты. Осылайша ерлер құрамасы 1/16 финалда Испанияны жеңіп, әлемдік біріншіліктердегі өз рекордын жаңартты. Нәтижесінде ерлер командасы турнирде 9-орын, ал әйелдер командасы 17-орынға ие болды. Бұл - қос құрама үшін де тарихтағы ең үздік нәтиже.