Жапонияда аюлардың шабуылы жиілеп кетті

Жапонияның Уцуномия қаласында 94 бастауыш және орта мектеп уақытша жабылды. Өйткені елді мекенге алғаш рет аю кіргені мәлім болып отыр. Ол жарты миллион адам тұратын қала паркінде сенбі күні бақылау камерасына түсіп қалған және де хайуан бүгін орта мектептердің бірінен жарты шақырым жерде байқалды. 

Айта кетсек, кейінгі кездері Жапонияда аюлардың адамдарға шабуылы жиілеп барады. Тіпті мұндай оқиғалар қала кварталдарында да бірнеше рет тіркелді.

«Эн-эйч-кей» телекомпаниясының хабарлауынша, биыл сәуір айынан бері  Жапонияның 47 префектурасының тоғызында аюлар 4 адамды өлтіріп, 21 тұрғынды жаралаған.