Филиппиндегі зілзаладан қаза тапқандар саны 32-ге жетті

Филиппиннің Минданао аралында қуаты 7,8 балдық зілзаладан қаза тапқандар саны 32-ге жетті. Тағы 200-ден астамы жараланған. Қазір жер сілкінісінен зардап шеккен аудандарда іздеу-құтқару операциялары жалғасып жатыр. Мұны осы елдің апаттармен күрес қызметі хабарлады. Филиппиндегі жер тербелісінен кейін Индонезияда, Малайзияда, Жапонияда цунами қаупі жарияланды. Күншығыс елінің 10 префектурасында 180 мыңдай адамға эвакуациялануға бұйрық берілген еді. Алайда бірер сағат бұрын Жапония метеорологиялық агенттігі қауіп туралы ескертудің күші жойылғанын хабарлады.