Перуде президент сайлауы өтіп жатыр

Перу тұрғындары президент сайлауының екінші турында дауыс берді. Елдің ең жоғарғы мемлекеттік лауазымына қос кандидат бәстесіп жатыр. Олар – консервативтік күштердің өкілі Кейко Фухимори мен солшыл саясаткер Роберто Санчес. Әлеуметтік сауалнамаларға сай екі үміткер де тең келе жатыр. Сол себепті кімнің жеңетінін болжау қиын. Экс-президент Альберто Фухиморидің қызы Кейко Фухимори қауіпсіздікке, қылмыспен күреске және мемлекеттік басқаруды нығайтуға көңіл бөлмек. Ал бұрын сауда және туризм министрі болған оның қарсыласы Роберто Санчес ауқымды әлеуметтік-экономикалық реформа жүргізуге уәде берді.