Иран мен Израиль бір-біріне соққы берді

Таяу Шығыста ахуал қайта ушықты. Иран кеше кешке Израильдің солтүстігін зымыранмен атқылады.

ЦАХАЛ бұл ракеталардың барлығын атып түсіргенін мәлімдеді. Иранның Ислам революциясы сақшыларының корпусы болса, Израильге қарсы операция бір реттік емес, соққы үздіксіз болатынын ескертіп отыр. Тегеран Израиль Бейрутке соққы беру арқылы «қызыл сызықты» кесіп өтті деп мәлімдеді. Жексенбі күні Израиль Ливан астанасының оңтүстігінде «Хезболла» тобының бекіністерін атқылаған. Сонымен бірге Израиль таңертең Иранның батысы мен орталығындағы әскери нысандарға шабуыл жасады.