Филиппин аралдарында қуаты 7,8 балдық зілзала болды

Филиппин аралдарын қуаты 7,8 балдық зілзала теңселтті. Жерасты дүмпуі елдің оңтүстігіндегі Минданао жағалауында 10 шақырым тереңдікте тіркелген. Биіктігі 1 метрден астам цунами көтерілді. Соңғы мәліметке сай, жер сілкінісінен 3 адам қаза тауып, 5 адам жараланған. Инфрақұрылымға зақым келіп, электр қуатымен қамтамасыз етуде қиындық туындады. Филиппинге көршілес Индонезияда цунами қаупі туралы ескерту жарияланды. Осыған орай жағалау тұрғындары қауіпсіз жерге көшірілген.