Өкілдер палатасы Ирандағы соғысқа қарсы қарар қабылдады

АҚШ-тың Өкілдер палатасы президент Дональд Трампқа Ирандағы соғысты Конгрестің рұқсатынсыз жалғастыруға тыйым салатын қарарды құптады. Бұл бастамаға демократтармен бірге Республикалық партияның бірнеше өкілі қолдап дауыс берген. Конгрестің төменгі палатасы аталған қақтығыс бойынша Ақ үйдің ұстанымына алғаш рет қарсы шықты. Бақылаушылардың пікірінше,  Иранға қарсы соғысты Трамптың бірпартияластары да қолдамай отыр. Мамырдың 1-де 60 күндік бітім аяқталғанда Трамп Конгреске Иранмен соғыс тоқтады деп хабарлаған еді. Алайда іс жүзінде қақтығыс жалғасып жатыр. Кеше АҚШ пен Иран әскерлері бір-біріне шабуыл жасағанын хабарлаған едік.