Бельгиядағы ереуілдің кесірінен әуе рейстері тоқтады

Бельгияда әуе диспетчерлерінің алдын ала ескертілмеген ереуілінен ұшақ қатынасы тоқтап қалды. Брюссель әуежайында жүздеген ұшақ рейсі кейінге қалдырылған. Наразылық акциясын кәсіподақтар ұйымдастырды. Олар 2027 жылдан бастап әуе қозғалысын жаңа сандық бақылау орталығының құрылуына қарсы. Бұл өзгеріс жұмыс орындарының қысқаруына әкелуі мүмкін. Әуе диспетчерлік қызметінің жетекшілігі наразылық акциясын бір тәулік бұрын ескерту қажеттігін және жаңа орталық ашу жобасы кейінге қалдырылғанын мәлімдеді. Ал ұшақ рейстері алдағы бірнеше сағатта қайта жандануы ықтимал.