Академик: Ғылым мен технология – болашаққа бағдар

Мемлекеттің тұрақты дамуы ғылым мен технологияның жетістіктеріне тікелей байланысты. Сондықтан жаңа Конституцияда ғылыми әлеуетті арттыруға және инновациялық бастамаларды қолдауға ерекше мән берілген. Ұлттық ғылым академиясының академигі Кәрімбек Құрманәлиев осындай пікірде. Профессордың сөзінше, бұл өзгерістер ғылымның қоғамдағы рөлін күшейтіп, оны экономиканың негізгі қозғаушы күштерінің біріне айналдыруды көздейді. Сондай-ақ ғылыми зерттеулердің еркін жүргізілуіне және ғылыми шығармашылықтың қорғалуына конституциялық деңгейде назар аударылған. Мұндай қадамдар отандық ғалымдардың жаңа идеяларды жүзеге асыруына үлкен мүмкіндік береді.

Кәрімбек Құрманәлиев, ҚР Президенті жанындағы ұлттық ғылым академиясының академигі:

Ғылым мен инновация алдыңғы қатарға шығу керек. Ғылым мен бизнесті байланыстыру мәселесі бар. Сосын 23-бапта ғылыми шығармашылыққа кепілдік беру, біздің ғылыми-зерттеу жұмыстарымызға кепілдік беру мәселесі қарастырылып отыр. Қай нәрсе болсын, ол ғылыммен байланысты болу керек,ғылымға негізделуі керек.