Лондонда машинистер ереуілдеп жатыр

Лондонда пойыздар қатынасы қиындап, қарбалас шақта жолаушылар діттеген жеріне жете алмай жатыр. Сондықтан кейбір тұрғындар метродан бас тартып, автобустарға отырып, такси жалдауға мәжбүр. Британ астанасында мұндай жағдайдың қалыптасуына машинистердің 24-сағаттық ереуілі себепші. Олар жұмыс кестесінің өзгеруіне байланысты наразылық акциясына шыққан. Кәсіподақтардың сөзінше, ереуілдер бейсенбі, жұма күндері де жалғасып, бұның зардабын бүкіл Лондон тартуы мүмкін.