Бурабайда дипломаттар велосипедпен жарысты

Бурабайда Азиядағы өзара іс-қимыл және сенім шаралары жөніндегі кеңес хатшылығының ұйымдастыруымен дәстүрлі веложарыс өтті. Оған дипломатиялық корпус пен халықаралық институттардың өкілдерінен 44 велошабандоз қатысты. Осылайша олар велосипедтің қолжетімді және экологиялық тұрғыдан ұтымды көлік екенін көрсеткісі келді. Осымен 5-ші жыл қатарынан ұйымдастырылып келе жатқан іс-шара биыл Дүниежүзілік велосипед күні мен хатшылықтың 20 жылдығына орайластырылған.

Бүгінгі күннің басты мақсаты – бұл біздің әдемі жерлерімізбен танысу бір жағынан, екінші жағынан жасыл транспортпен қамту, велосипедпен жүру, денсаулықты ойлау және де бірге болу, мәдениеттер арасындағы диалогты қамтамасыз ету. Бұл енді Азия кеңесінің негізгі негізгі мақсаты.