Алматыда «БалаFest» фестивалі ұйымдастырылды

Алматыда дәл қазір «БалаFest» фестивалі өтіп жатыр. Мерелік шарада қаланың кішкентай тұрғындары тақырыптық аймақтардан өтіп, ғылыми эксперименттер мен шеберлік сабақтарына қатысып, заманауи технологиялар әлемін зерттей алады. Фестивальден тілшіміз Жазира Оразқызы дәл қазір тікелей эфирге шығуға әзір. Жазира, қайырлы күн! Мереке қалай өтіп жатыр?

Жазира Оразқызы, тілші:

Бүгін Алматы балалардың, технологиялардың және болашақтың үлкен қаласына айналды. Фестивальға 5 мыңға жуық бала қатысып жатыр. Мұнда әрбір балдырған нағыз интерактивті шытырман оқиғаның қатысушысы болып отыр. Әр бала фестивальдің жеке маршруттық паспортын алады. Тапсырмалар орындап, Bala Coins жинап, digital-art, ғылым, шығармашылық, спорт, AI, робототехника, спорттық шараларға қатыса алады. Жеңімпаздарға сыйлықтар беріледі, фотозоналар ұйымдастырылған. Үлкен концерттік бағдарлама күтіп тұр, кешкі 17.00-де.