Израиль армиясы 900 жыл бұрын салынған стратегиялық нысанды басып алды

Жексенбі күні Израиль армиясы Ливанның оңтүстігінде 900 жыл бұрын салынған Бофорт қорғанын басып алды. Сонымен қатар осы маңдағы стратегиялық жота да ЦАХАЛ-дың бақылауына өткен. Сарапшылар мұның нәтижесінде «Хезболла» жасақтарының Израильдің солүстігіне шабуыл жасау мүмкіндігі азаяды дейді.
Айта кетсек, қазір Израильдің жаяу әскері Ливан аумағына бойлай ену операциясын кеңейтіп жатыр. Бұл басқыншылықты Германия, Ұлыбритания, Франция үкіметтері қатаң сынға алды.
Хезболлалықтар Иранды жақтап еврей мемлекетіне наурыздың 2-де ракета жаудыра бастады. Содан кейін Израиль көрші елге авиациялық соққы беріп, құрлықтық операция жүргізуге кірісті. Бұл соғыстан бүгінге дейін кемінде 3300 ливандық пен 25 израильдік сарбаз мерт болған.