Конституция – ел дамуын оңтайландыратын құжат

Конституция - азаматтардың құқықтарын ең жоғары деңгейде қорғап, қоғамның әлеуметтік мәселелерін тиімді шешуді оңтайландыратын құжат. Сондықтан да көптеген ел заман талабына қарай конституциясын жаңартып немесе өзгертіп отырады. Бүгінде Түркияда жаңа Конституция мәтіні дайындалып, парламенттегі арнайы комиссияның қарауында жатыр. Комиссия мақұлдаған соң жаңа Ата заңды қабылдау үшін халықтық референдум өткізілмек.

Алпер Кылыч, саясаттанушы:

Заман дамыған сайын қоғам да өзгеріп отырады. Сондықтан кез келген заң немесе құжат соған бейімделіп, оңтайланып отырғаны жөн. Конституцияны өзгерту немесе оны толықтыру ел дамуына оң ықпал ететін қадамдардың бірі. Сондықтан әлемнің көптеген елдері орта есеппен әр 10-15 жыл сайын конституцияларын жаңартып, толықтырып отырады.