Түркияда мал соямыз деп 13 мың адам жараланды

Түркияда биылғы Құрбан айтта мал сою кезінде 13 мың 500 адам жарақат алған. Олардың басым бөлігі арнайы орындарда емес, үй жағдайында құрбан шалғандар. Бұл ақпаратты елдің Денсаулық сақтау министрі Кемал Мемишоғлы өзінің әлеуметтік желідегі парақшасында бөлісті. Дегенмен бұл жарақаты себепті ауруханаға қаралуға Келгендердің саны ғана. Ал жарақат алса да, емханаға қаралмағандар бұдан да көп болуы мүмкін. Мамандардың ескертуіне құлақ аспай, үй жағдайында мал сойған адамдар жыл сайын осылай жарақат алып жатады. Мәселен, былтырғы Құрбан айтта Түркияда 20 мыңға жуық адам жарақат алып, ауруханаға қаралған.