Тегеран мен Вашингтон атысты тоқтату режимін ұзартуға келісті

АҚШ пен Иран өзара түсіністік туралы 60 күндік келісімге келді. Құжатта атысты тоқтату режимін ұзарту, Иранның ядролық бағдарламасы бойынша келіссөзді бастау көзделген. Әзірге құжатты президент Дональд Трамп бекіткен жоқ. Бұл ақпаратты Axios басылымы хабарлады. Оған сай, тараптар меморандумның басым бөлігі бойынша ортақ ұстанымға келген. Олардың арасында Ормұз бұғазы арқылы еркін кеме қатынасына жол ашу бар. Иран 30 күн ішінде бұғаз акваториясынан миналарды алып тастауы қажет. Дегенмен тараптар бірқатар мәселе бойынша келісімге келе алмай отыр. Тіптен Вашингтон мәміле жасалмауы мүмкін екенін де жоққа шығармайды.