«Сириус-Қазақстан» жобасына шетелдік ғалымдар қызығушылық танытуда

«Сириус-Қазақстан» жобасы интеграцияланған білім беруге негізделген. Бағдарлама мамандардың жаңа буынын қалыптастыруға бағытталған. Шетелдік ғалымдар да бұл бағдарламаға қызығушылық танытып отыр. Жаратылыстану, жасанды интеллект, инженерия салаларында бірлескен жобаларды қолға алу көзделуде. Шетелдік ғалымдардың айтуынша, Қазақстан цифрландыру саласы бойынша ТМД мемлекеттерінің ішінде оқ бойы озық.

Мария Князева, ғалым, физика ғылымдарының кандидаты:

Қазақстанмен бірлесе жасанды интеллектіні пайдаланып, өзекті мәселелерді шешуге болады. Бұл бағдарлама арқылы дайындалатын мамандардың жұмысына байланысты. Мысалы, теңіздің тартылуы, биотехнология ресурстары сияқты мәселелерді бірлесе шеше аламыз. «Сириус- Қазақстан» жобасы өзекті. Сондықтан оны біздің елде де жүзеге асырғымыз келеді. Өзара тәжірибе алмассақ дейміз.