Тегеран мен Вашингтон жуық арада бейбіт келісімге келмейді

АҚШ пен Иран көптеген негізгі мәселе бойынша бір байламға келді. Бірақ мұның бәрі таяу арада міндетті түрде бейбіт келісім жасалады деген сөз емес.

Мұны Иран сыртқы істер министрлігінің баспасөз хатшысы Эсмаил Бакаи мәлімдеді. Болжамдарға қарағанда, екі жақ қабылдауы мүмкін өзара түсіністік туралы меморандумға ымыра мерзімін 60 күнге созу, Ормұз бұғазын қайта ашу және Иранның ядролық бағдарламасы бойынша келіссөздерді әрі қарай жалғастыру кіреді.

Айта кетсек, бұған дейін АҚШ мемлекеттік хатшысы Марко Рубио да Делиге сапарында Тегераннан нақты жауап алу үшін біршама уақыт қажет болатынын ескертті. Ал президент Дональд Трамп өз көмекшілеріне Иранмен келісім жасауға асықпау туралы нұсқау бергенін хабарлап отыр.